Cubot има различни модели на уреди, од евтини па се до скапи, но токму оние од средната класа се најинтересни.
Oвој пат компанијата може да се пофали со уште еден одличен уред кои се вика „Cheetah 2“ и доаѓа со 5,5 инчен екран со „FullHD“ резолуција, осумјадрен процесор на 1.3GHz, „Android 6.0“, 3GB RAM и 32GB интерна меморија.
Исто така, овој уред има и скенер за отпечаток на прст, задна камера од 13MP со чип на „Samsung“ и предна од 8MP, разни сензори, поддршка за „dual SIM“, „Type-C“ конектор и батерија со капацитет од 3000mAh.
Би требало да се напомене дека во последнава година „Cubot“ нудеше речиси двојно полоши карактеристики за иста цена од 139.99 долари, што само покажува колку брзо напредува денешната технологија.
