Денес речиси секој производител на класични рачни часовници во својата понуда има и барем еден „паметен“ модел. Исклучок не е и компанијата „Emporio Armani“ која овие денови во соработка со компанијата „Fossil“ го претстави својот прв паметен часовник од „EA Connected Watch“ колекцијата.
Часновникот на „Armani“ е еден вид хибрид, спој на класичен часовник со стрелки и паметен кој со помош на „Bluetooth“ комуницира со уредите со „Android“ и „iOS“ платформите. На почеток, може да се каже дека овој часовник покрај различниот дизајн, т.е. логото на „Armani“ не се разликува од потребите на другите – поддржува следење на сонот, различни нотификации од мобилните уреди, следење на активностите на корисникот, како и овозможување на музичка колекција со користење на копчиња.
Но, може и да се забележи и некоја разлика. Имено „EA Connected Watch“ има и поддршка за автоматска промена на временските зони и автоматско подесување на времето и датумот. Оваа можност најмногу ќе им користи на корисниците кои доста време поминуваат во авионите патувајќи од едниот крај на другиот крај на светот.
„Armani“ дополнително наведува дека батеријата во нивниот часовник не треба често да се полни. Овој уред користи „quartz“ батерија чија автономија е декларирана на до шест месеци.
Часовникот може да се набави во комбинација со метални и кожни нараквици во четири различни бои. Секоја од поддржаните платформи (Android/iOS) има и своја апликација за мобилните уреди.
Цените во зависност на моделите се движат од 245 до 395 долари.