Toчно пред 70 години беше означен почетокот на едно од легендарните имиња во историјата на возилата – а исто така и на највлијателните брендови во светот моментално според најновото рангирање на „Brand Finance“.
Во октомври 1946-та Енцо Ферари и инженерот Џоакино Коломбо започнаа со работа на првиот автомобил на компанијата „Ferrari“. Енцо го правел возилото и пред тоа, во 1940-та, само со амблемот на „Auto Avio Costruzioni“. Затоа токму „125S“, создадено од него и Коломбо, е прифатено за првото „Ferrari“ во историјата. Тој има 1.5-литарски V12 мотор со моќност од 118 коњски сили.
Реконструкцијата на „Ferrari 125S“: Автомобилот е произведен само во две единици, а и двете потоа се расклопуваат и се користени како основа за понатамошните модели.
Машината дебитираше на 11-ти мај 1947-ма, кога Франко Кортез ја вози на патеката во Пиаченца. Тоа прво учество е, како што вели самиот Енцо Ферари, „ветувачки неуспех“ – Кортез води во трката, но отпаѓа поради оштетена пумпа за гориво. Во следните 13 стартови сепак „125S“ освои шест победи и така започнува легендата.
Во чест на јубилејот решивме да ви ги споменеме десетте најскапо продадени автомобили на „Ferrari“ до моментов.
Ferrari 365 GTS / 4 Daytona Spider од 1971-ва година, продадено за 2.64 милиони долари
Ferrari 250 GT Competizione Alloy Berlinetta од 1959-та година, продадено за 8.525 милиони долари
Ferrari 250 GT LWB California Spider by Scaglietii од 1958-ма година, продадено за 8,8 милиони долари
Ferrari 250 GT 14-Louver Berlinetta од 1957-ма година, продадено за 9.46 милиони долари
Ferrari 250 GT Berlinetta Competizione “Tour de France” by Scaglietti од 1956-та година, продадено за 13,2 милиони долари
Ferrari 250 GT SWB Berlinetta Speciale од 1962-ра година, продадено за 16,5 милиони долари
Ferrari 250 GT SWB California Spider од 1961-ва година продадено за 16.83 милиони долари
Ferrari 250 LM by Scaglietti од 1964-та година, продадено за 17,6 милиони долари
Ferrari 275 GTB / C Speciale by Scaglietti од 1964-та година, продадено за 26,4 милиони долари
Ferrari 250 GTO Berlinetta од 1962-ра година, продадено за 38,1 милиони долари во 2012-та година. Купувач беше американскиот телекомуникациски магнат Крег Маккоу. Ова не е само најскапото „Ferrari“, туку и најскапиот автомобил воопшто. За истите пари може да се купи сосема нов „Boeing 737-100“, и ќе ви останат неколку милиони.
