Компанијата „BMW“ официјално ја претстави новата генерација на седанот „Series 5“. Уште во основната опрема моделот добил „LED“ фарови, мултимедијален систем со управување со гестови, „акустична“ капсула за моторот и менувачот, а исто така и нова задна суспензија и систем за далечинско паркирање, при што возачот не треба да биде во автомобилот.
Димензиите на седанот се должина од 4935 мм, ширина од 1868 мм, висина од 1466 мм и растојание помеѓу двете оски од 2975 мм. Во споредба со својот претходник возилото е за 36 мм подолг, за 2 мм повисок и за 6 мм поширок. Меѓуоскиното растојание е зголемено за 8 мм.
Во конструкцијата на новата „петка“ се користат алуминиум, челик и карбон што дозволило да се намалат 100 килограми од тежината, додека каросеријата стана поцврста. Коефициентот на аеродинамичниот отпор е намален за 10% и достигна 0,22, што според „BMW“ е најдобро достигнување во сегментот.
Потпирањето на седанот е променето, така што е вклучен нов активен систем за надоместување. Таа се управува по електронски пат, а за разлика од претходната „Series 5“ стабилизаторите не се хидраулични, а туку се опремени со електрични мотори.
Во прво време моделот ќе добие 4 агрегати. Тоа се 2,0-литарски бензинец со 4 цилиндри кој развива 252 КС (верзијата „530i“), 3,0-литарски бензинец со 6 цилиндри кој развива 340 КС („540i“), 2,0-литарски дизел со 4 цилиндри и 190 КС („520d“) и 3,0-литарски дизел со 6 цилиндри и 265 КС („530d“).
Сите мотори со исклучок на послабата дизелска верзија, за која е предвиден 6-брзински мануелен менувач, работат со 8-степена автоматска трансмисија. Системот „xDrive“ ќе биде достапен за сите модификации.
Седанот е опремен и со технологијата „SYNTAK“ (Synergie – Thermoakustik-Kapsel), која ја намалува бучавата од моторот, ја чува топлината и ја намалува потрошувачката на гориво. Таа претставува капсула околу моторот, која е направен од лесен изолациски материјал.
Новата „петка“ ќе го добие истиот мултимедијален комплекс, кој се појави и кај новата генерација на „Series 7“. Тој може да се управува со помош на гестови или со гласовни команди. Постои и нов проекциски дисплеј кој е за 70% поголем од претходниот. Има уште безжичен полнач за смартфон, систем за климатизација со јонизација и ароматизација на воздухот, аудио „Bowers & Wilkins“ со 1400 вати, седишта со функција за масажа, активен крус-контрол кој работи со брзина од 120 километри со можност за „читање“ на знаците. Седанот располага и со систем за автоматско преминување од една лента во друга.
Автомобилот исто така ќе може да се паркира без учество на возачот кој ќе го следи маневарот на екранот на својот смартфон. Моделот исто така е опремен со систем со кој може да разменува информации со други автомобили, како и со можност за примање на електронска пошта и на SMS-и на смартфонот на возачот.
Продажбата на новата „BMW Series 5“ стартува на 11-ти февруари 2017-та година, а уште во март ќе се нуди хибридна модификација, како и моќната верзија „M550i“ со 8-цилиндричен мотор со 462 КС.
