За секој кој се сомневаше: „Instagram Stories“ жнее огромен успех. Само два месеци по пуштањето на функцијата, која им овозможува на корисниците на апликацијата да објавуваат слики и видеа, кои исчезнуваат по 24 часа, таа веќе има над 100 милиони активни корисници дневно, пишува сајтот „We Are The Social Media“.
Кога „Instagram“ одлучи да има своја верзија на „Stories“, позната како функција на „Snapchat“, некои се сомневаа на нејзината одлука. Други се прашуваа зошто нејзе и е потребна, а трети дури прогнозираа дека ова може да биде крај на „Snapchat“.
Два месеци подоцна знаеме дека „Instagram Stories“ не донела премногу главоболки на „Snapchat“ со главните корисници во возрасната група 16-25 години.
Од своја страна, „Instagram Stories“ привлекува многу луѓе над 25-годишна возраст, кои најверојатно се чувствуваат доста запознаени со оваа платформа.
Дали беше успешен овој потег за апликацијата? 100 милиони лица е околу половина од активните корисници дневно на „Twitter“ и е три пати повеќе од оној на „Pokemon GO“.
Податоците се на „Buzzfeed“ која пишува уште дека „Instagram“ веќе има близу половина милијарда активни корисници месечно. Па сигурно има можност за проширување на „Instagram Stories“.
