Камерата стана составен дел од нашето смартфон искуство, а многу од корисниците се одлучуваат за својот следен телефон само врз основа на квалитетот на камерата која ја поседува.
И „Samsung“ и „Apple“ се добро познати по вештините во изработката на камерата за телефони, а по претставувањето на „iPhone“, нормално е да се направи споредба на темата: кој телефон има подобра камера и кој прави подобри фотографии.
На прикажаните фотографии можете да видите какви фотографии прават „Samsung Galaxy S7“ и „Apple iPhone 7“ и да ги споредите.
Двата телефони имаат камери на задната страна од 12 мегапиксели, но „Galaxy S7“ има „dual pixel“ сензор кој користи „Focus Pixels“ технологија за побрз автофокус.
Двете камери можат да снимаат видео записи во „2K“ резолуција со оптичка стабилизација.
„Samsung Galaxy S7“ можеби има повеќе засистеност во фотографиите, а пак на „iPhone 7“ се поприродни и попрецизни фотографиите.
Како што порачува „AndroidAuthority“, со вклучен „HDR“, „Samsung Galaxy S7“ едноставно е неколку класи подобар од „iPhone 7“ во поглед на „HDR“.
