Hankook го менува Pirelli во Формула 1

Јужнокорејскиот производител на гуми, „Hankook“ одеднаш се појави како потенцијален алтернативен снабдувач на пневматици во Формула 1.

Иако во моментов е под силни критики за гумите во оваа сезона, италијанскиот снабдувач на пневматици „Pirelli“ на кого договорот му истекува на крајот од првенството има желба да остане и натаму на таа позиција.

Меѓутоа шефот на „Pirelli“ за Ф1, Пол Хембери изјави дека во компанијата се под стрес и дека се уште не им е понуден нов договор за сезоната 2014-та, но и за подолго.

„Неможеме да останеме во таква ситуација на несигурност и неизвесност“, предупреди Хембери.

Кога на „Pirelli“ им беше да понудено да влезат во Формула 1 во сезоната 2011-та година, втор кандидат за таа позиција беше „Hankook“. Во тоа време шефот на јужнокорејската компанија, Хијан Бум Чо изјави дека лично преговарал со Берни Еклестон.

„Имавме добри разговори и можеби ќе имаме шанса да се покажеме во следната рунда или таа по неа“, изјави Чо во 2010-та година.

Сега повторно се појавија гласини дека „Hankook“ ќе го замени „Pirelli“ во Формула 1 во сезоната 2014-та, но сепак останува да видиме за која опција ќе се одлучат првите луѓе на ф1.