Американската корпорација „Google“ го претстави својот прв самостојно развиен паметен телефон кој е наречен „Pixel“.
На официјалниот сајт на Google се наведени техничките карактеристики на уредот. Смартфонот е достапен во две верзии – „Pixel“ со 5-инчна дијагонала на екранот и „Pixel XL“ со 5,5-инчен дисплеј.
Уредот, кој ќе биде директен конкурент на „iPhone“, е опремен со 12,3-мегапикселна камера. За неа од „Google“ најавуваат дека по своите карактеристики е меѓу најдобрите на пазарот. Во поддршка на ова се цитираат проценките на експерти од онлајн изданието „DxOMark“ кои го даваат рекордниот рејтинг од 89. Има и предна камера која е од осум мегапиксели.
Смартфоните на „Google“ имаат „quad-core“ процесор „Snapdragon 821“ и 4-гигабајтната RAM меморија (RAM). Меморијата е во две верзии – 32 GB и 128 GB. Во исто време од „Google“ ветуваат дека ќе им обезбедат на клиентите неограничен простор за складирање на слики и видео клипови.
Полнењето на батеријата, по оценката на експерти од корпорацијата, што е доволно за седум часа во режим на подготвеност, нема да надминува 15 минути.
Уредот што се составува од „HTC“, работи со новиот оперативен систем „Android“ со името „Nougat“.
Порано од „Google“ ги посочуваа предностите на оваа верзија, меѓу кои се постоењето на специјални режими на работа, со кои се оптимизира потрошувачката на енергија и го намалуваат оптоварувањето на оперативната меморија. Посебно внимание се посветува на вградената „Pixel“ функција која ги препознава гласовни команди и може, на пример, да се изврши пребарување по нарачка, да следи делници од патот, во кои сообраќајот е отежнат, да прецизира правци.
Во Австралија, Велика Британија, Канада, Германија и САД, „Pixel“ и „Pixel XL“ веќе може да се порачуваат со претходна нарачка. Цената на „Pixel“ во САД е 649 долари, „Pixel XL“ е 769 долари. При купувањето на моделот со 128 гигабајти меморија, цената се зголемува за 100 долари.
Пред овој модел, „Google“, во соработка со други производители, произведуваше смартфони и таблети под името „Nexus“.
