„Audi“ во Мексико ја отвори својата прва фабрика на територијата на Северна Америка. Од производната лента најпрво ќе слезе втората генерација на „SUV“ моделот „Q5“, која светска премиера имаше на авто-саемот во Париз.
Дека Мексико стана новата омилена дестинација на светските авто-компании, потврдува и примерот на „Audi“. Овој германски производител е уште еден во низата кој во оваа земја отворил своја фабрика за автомобили.
Погонот кој зазема површина од 400 хектари, е изграден за 3,5 години. Во фабриката засега ќе се изработува новиот „Audi Q5“, a капациетот е 150.000 возила годишно. До крајот на 2016-та година, „Audi“ во Мексико ќе вработи 4.200 луѓе, од кои повеќето ќе работат токму во оваа фабрика.
Новиот „Q5“ беше претставен пред некој ден во Париз. Автомобилот е долг 4,66 метри, широк е 1,89 метри, висок е 1,66 метри, додека меѓуосовинското растојание изнесува 2,82 метри, a од „Audi“ велат дека моделот е за 90 килограми полесен од претходникот.
Зголемен е и капацитетот на багажникот, па корисната зафатнина изнесува 550-610 литри, во зависност од положбата на задните седишта, додека со преклопување на потпирачите се добива багажен простор од 1.550 литри.
Моторизацијата во почетокот ќе опфаќа 2.0-литарски „TFSI“ бензински агрегат со 252 ks (185 kW) и три 2.0-литарски „TDI“ единици со 150 ks (110 kW), 163 ks (120 kW) и 190 ks (140 kW). Во врвот на понудата ќе се наоѓа и 3.0-литарски „V6 TDI“ кој испорачува 286 ks (210 kW) и 620 Nm максимален вртежен момент.
За преност на моќта ќе се користи шестбрзински мануелен или седумстепен „S tronic“ автоматски менувач, додека за најмоќниот дизел мотор е резервиран осумстепен автоматски „tiptronic“.
