До рекордно ниво поскапеа дисплејните панели на најевтините смартфони. За тоа соопшти тајванскиот информативен портал „DigiTimes“, кој цитира аналитичари од „WitsView“.
По проценката на експертите, вредноста на 4-инчните панели со резолуција од 800 x 480 пиксели (WVGA) и екран со дијагонала 4,5 инчи и резолуција „FWVGA“ (854 x 480 пиксели) се зголеми за над 50%.
Тие сепак не го прецизираат периодот спрема кој е направена споредбата, како и новите цени по кои се нуди електронската продукција. Во „WitsView“ го поврзуваат драстичниот скок на цените со тоа што производителите на евтини панели едноставно се откажуваат од произведувањето на таков тип на производи или планираат да го направат тоа во блиска иднина.
Ова води до намалување на обемот на пратките со такви дисплеи. Уште една причина за поскапувањето на панели за евтини мобилни уреди е дека некои производители на смартфони почнуваат да вложуваат на повисока класа на телефони, бидејќи побарувачката на премиум модели е зголемено.
До денес најголемите производители на телефонски дисплеи со формат „WVGA“ и „FWVGA“ се кинеските компании „HannStar Display“, „Century Technology“ и „InfoVision Optoelectronics“.
