„HP“ ја засили својата серија лаптопи „ProBook 400“ со пет нови модели насочени кон вработените луѓе и бизнисот.
При изработката на лаптопите посебно внимание било посветено на дизајнот, тврдат од компанијата. Новите модели се потенки од своите претходници и доаѓаат во сребрена боja.
Во исто време „HP“ се погрижи и во однос на продуктивноста и издржливоста. Лаптопите се опремени со новата генерација процесори од „Intel“ и „AMD“ и ги поминале успешно стандардните тестови за издржливост.
Секоја верзија може да биде опремена со до 16GB DDR4-2133 SDRAM, а одредени модели доаѓаат со графичка картичка „GeForce 930MX“ од „Nvidia“. Лаптопите можат да се пофалат и со исклучително долго траење на батеријата од 16 часа, истакнуваат од „HP“.
Најприфатливиот меѓу новите предлози е моделот „HP ProBook 455 G4“ кој поседува 15,6-инчен „HD“ дисплеј (со опција за „Full HD“) и е опремен со последната генерација „AMD A-Series“ процесор. Основната цена на моделот е 499 долари. На другиот крај на ценовниот спектар на новата гама е 17,3-инчниот „HP ProBook 470 G4“ со процесор од „Intel“. Цената на моделот започнува од 749 долари.