Според истражувањето кое го направи специјализираниот магазин „Forbes“, фудбалскиот клуб Реал Мадрид е највредниот на планетата. „Кралскиот клуб“ го оправда својот прекар, а првпат по 2004-та година на врвот од оваа листа го „симна“ англискиот гигант Манчестер Јунајтед. Според податоците на магазинот, Реал вреди 2.18 милијарди фунти, додека на второто место е тимот од „Олд Трафорд“ чија вредност се проценува на 2.09 милијарди фунти.
Интересно на листата 20 најбогати фудбалски клубови дури 19 доаѓаат од Европа и тоа сите од таканаречената „лига пет“, а меѓу нив се „протна“ само бразилски Коринтијанс кој се најде на 16-та позиција.
Кога се во прашање клубови од останатите спортови, највреден на планетата е американскиот бејзбол тим Њу Јорк Јенкис чија цена е проценета на 1.5 милијарди фунти, а додека веднаш зад нив се најде рагби составот на Далас Каубојс со вредност од 1.4 милијарди фунти.
Топ 20 највредни фудбалски клубови:
1. Реал Мадрид (Шпанија) 2.18 милијарди фунти
2. Maнчестер Јунајтед (Англија) 2.09
3. Барселона (Шпанија) 1.72
4. Aрсенал (Англија) 880 милиони фунти
5. Баерн Минхен (Германија) 860
6. Mилан (Италија) 624
7. Челзи (Англија) 595
8. Jувентус (Италија) 458
9. Maнчестер Сити (Англија) 455
10. Ливерпул (Англија) 430
11. Tотенхем (Англија) 343
12. Шалке 04 (Германија) 329
13. Борусија Дортмунд (Германија) 301
14. Интер (Италија) 265
15. Лион (Франција) 243
16. Koринтијанс (Бразил) 236
17. Наполи (Италија) 218
18. Хамбург (Германија) 198
19. Maрсеј (Франција) 188
20. Њукасл (Англија) 174