Секоја година „Economist Intelligence Unit“ ја објавува својата листа за најскапи градови за живеење во светот. Во изминатата година во рангирањето на листата се забележуваат сериозни поместувања, но генерално првите места повторно се окупирани од вообичаените кандидати.
Погледнете кои се Топ 9 најскапи градови во светот, објавени од страна на „Business Insider“.
9. Сеул, Република Кореја
Главниот град на Јужна Кореја се искачува на листата благодарение на високите цени на облеката, како и големите сметки за комунални услуги во градот. Според EIU „издршката за живот во Сеул во моментов е на нивото на Копенхаген и Лос Анџелес“
8. Копенхаген, Данска
Копенхаген го задржува осмото место на листата поради високото ниво на издржување наспроти плаќањето.
7. Њујорк, САД
Во извештајот на „EIU“ се вели дека „најскапиот долар и локалната инфлација прават така што животот во Њујорк да биде релативно поскап од другите градови во листата“. На пример, просечната цена за килограм леб во „Големото јаболко“ е 8.28 долари – над два пати повеќе од цената во рангираниот град на првото место.
6. Лондон, Велика Британија
Во Лондон се забележува застој во однос на платите и тоа во услови на постојано растечки инфлација и цени на имотите. Просечната цена на имотот во англиската престолнина е доста над 500.000 фунти, додека просечната годишна плата се движи околу 30.000 фунти.
5. Париз, Франција
„EIU“ забележува дека поради ниската доверба во еврото, француската престолнина е единствениот град од Еврозоната во топ 10 најскапи градови. И покрај слабата валута сепак, Париз останува исклучително скап за живеење и единствените производи кои се продаваат по разумни цени, се алкохолот и цигарите, гласи оценката на „EIU“.
4. Женева, Швајцарија
Практично сè е скапо во Женева, дури и забавните и рекреативни активности, констатира извештајот на „EIU“.
3. Хонгконг
Хонгконг се искачува со седум места на листата, благодарение на исклучително високите цени на недвижностите и зголемувањето на трошоците за живот.
2. Цирих, Швајцарија
Според „EIU“ искачувањето на Цирих до второто место на листата се должи најмногу на одврзувањето на швајцарскиот франк од еврото, како и на „повисоките приходи и ценовни нивоа“.
1. Сингапур
Островот град-држава во југоисточна Азија го задржува првото место во рангирањето веќе трета година по ред. Сепак, извештајот на „EIU“ забележува дека предноста на Сингапур пред градови како Њујорк и Хонгконг речиси “испари” поради зголемените трошоци за живот и на другите места.