Корејскиот технолошки концерн „Samsung“ може да загуби 1 милијарда долари поради проблемот со батеријата на „Galaxy Note 7“ и одлуката да ги замени до овој момент сите 2,5 милиони испорачани примериоци од уредот, покажуваат пресметките на „Bloomberg“. Корејската компанија веќе изјави дека трошоците ќе бидат „срцепарателни“.
Инцидентот со батериите на „Galaxy Note 7“ ќе го чини „Samsung“ под 5% од предвидените приходи за 2016-та година во износ од 3 илјади милијарди вона (20,6 милијарди долари), пренесува „Bloomberg“. Ефектот сепак ќе биде негативен повеќе за имиџот. Да не заборавиме дека токму на овој модел „Samsung“ се потпираше да се соочи со очекувања на„ iPhone 7 Plus“ на „Apple“.
Анализите на „Credit Suisse Group AG“, „Daishin Securities Co.“ и „Pelham Smithers Associates“ покажуваат дека трошоците ќе се во износ од 1 милијарда долари или помалку. Запрашан за финансиската димензија на случајот, шефот на бизнисот со смартфони на „Samsung“, Кох Дог Џинг изјави дека станува збор за „срцепарателна сума“.
Се уште не е јасно од каде дошле проблематичните батерии, кои доведоа до неочекувани експлозии кај над 30 парчиња од новиот модел. Најверојатно тие сепак се доставени од сопствената поделба на „Samsung Electronics“ – компанијата „Samsung SDI“ која обезбедила 70 проценти од батериите во првите распространети серии. Останатите 30% дошле од кинеската „Amperex Technology“.
Се претпоставува дека за идното производство на „Note 7“ ќе бидат порачани уште батерии од „Amperex Technology“ или дури од „LG Chem“.
„Samsung SDI“ започна да произведува батерии за вградување од 2014-та година, но само за моделот „Note 7“ е главен снабдувач за „Samsung Mobile“.
„Samsung Electronics“ генерира приходи во износ од околу 600 долари и оперативен профит од 108 долари за секој продаден „Note 7“, пресметува „Credit Suisse“. Компанијата планирала да достави од 4 до 5 милиони уреди во овој квартал и од 8 до 9 милиони во последните три месеци од 2016-та година, сметаат аналитичарите на банката.
Поголемото прашање во следните недели е какви штети ќе донесе повлекувањето од пазарот на брендот „Samsung“. По мачните судски спорови со „Apple“, компанијата со седиште во Сувон работи напорно за да ја закрепне својата репутација во однос на квалитетот и иновациите преку иновативни уреди со големи и закривени екрани. При претставувањето на „Note 7“, тој собра позитивни рецензии и почетокот на продажбата беше силна во позадина на недостаток на новиот „iPhone“. Сега продажбата е запрена во 10 земји каде „Note 7“ е достапен.
