Економијата на еврозоната губи инерција во август, така што показателот за раст во приватниот сектор е намален до најниско ниво од почетокот на 2015-та година, пишува „Bloomberg“.
Индексот на менаџерите на договорите (PMI) во областа на производството и услугите се намали до 52,9 од 53,2 поени во јули, што е под претходната прогноза за 53,3 процентни поени, соопшти приватната истражувачка компанија „Markit“. Падот во голема мера се должи на бавното темпо на проширувањето на Германија – најголемата економија во еврозоната, изјави лондонската компанија.
Извештајот доаѓа само неколку дена пред Европската централна банка да ја одржи првата политичка средба по летните одмори. Економистите анкетирани од „Bloomberg“, очекуваат централните банкари да бидат принудени да додаваат уште стимуланси за да ја одржуваат обновата и да ја зајакнат инфлацијата, иако се поделени по тоа кога да бидат објавени новите мерки.
„Податоците од истражувањето ќе зајакнат од очекувањата дека ЕЦБ ќе претпочита да не чека да инјектира уште стимулации во економијата“, пишува Крис Вилијамсон, главен бизнис економист во „Markit“. Централните банкари ќе бидат под притисок „да дејствуваат подоцна оваа недела, за да помогне да се подигне довербата како во изгледите пред економијата, така и во посветеноста на банката кон нејзината инфлациска цел“.
Растот на новите нарачки е забавен до најслабото ниво од јануари минатата година, а знаците за создавање на нови работни места исчезнуваат.
Одложувањето во Германија „е можеби најголемиот повод за вознемиреност“, пишува Вилијамсон. Растот на производството е најслабиот од пред 15 месеци, но економијата сепак се претстават подобро од онаа на Франција, каде проширувањето се забрза до 10-месечен врв, пишува во извештајот.
Индексот во сферата на услугите исто така е намален малку од 52,9 поени во јули до 52,8 поени, соопшти уште „Markit“.
