„Skoda“ го претстави својот прв голем „SUV“ за време на специјален настан во Германија. Моделот се нарекува „Kodiaq“ и е во типичен стил на чешката марка со демонстрација на практичен дизајн, многу простор и модерна опрема.
„Kodiaq“ најверојатно нема да се нареди меѓу најелегантните автомобили на „Skoda“, но пак може да се пофали со посебни „LED“ светла и технолошки дизајн, кои впрочем се речиси аналогни со концептот „VisionS“ од саемот во Женева, со кој Чесите го најавија теренецот.
Внатрешноста ја следи истата формула – едноставен, но модерно опремен, со чисти линии и практичен распоред. Достапни се бројни делови за складирање на мали предмети, а во листата на опции се вклучени инфо-систем со 8-инчен дисплеј, безжичен полнач, 3-зонска климатизација, греење на воланот, автоматски автопилот, електрична задна врата и многу други.
Токму багажникот е едно од големите предности на „Kodiaq“. Тој нуди импресивни 720 литри при користење на 5 од 7-те седишта во кабината. Ако и вториот ред седишта биде склопен, багажникот расте до 2065 литри, а при нарачка за преклопување на патничките седишта во „Kodiaq“ можат да бидат сместени предмети со должина до 2,8 метри.
Патничкиот простор е исто така голем, нудејќи големини кои се над просечните за класата. Надворешните димензии на „Skoda Kodiaq“ се должина од 4,7 метри и меѓуоскино растојание од 2,79 метри.
Палетата од мотори е претставена од 2 дизел и 3 бензински агрегати, со моќност меѓу 125 и 190 КС. Тие се споени со рачна кутија со 6 оценки или со автоматски менувач „DSG“ со 6 или 7 степени. Погонот на основниот модел е на предните тркала, но се нуди и систем 4х4.
За моделот може да се нарача адаптивна шасија со офроуд функција и системот „Driving Mode Select“ која нуди три режими – „Normal“, „Eco“ и „Sport“, ги менува карактеристиките на моторот, преносот, воланот и суспензијата. Кај моделите со 4х4 е достапна функција „снег“, која ги менува подесувањата на „ABS“, „ASR“ и „ACC“.
Продажба на „Skoda Kodiaq“ стартува во почетокот на 2017-та година. Цените ќе бидат објавени непосредно пред тоа.
