„Acer“ претстави нова серија тенки лаптопи на европскиот саем за потрошувачка техника „IFA“ кој денеска започна во Берлин.
Предводник на серијата „Swift“ е 13,3-инчниот „Swift 7“, кој се одликува со тоа што е првиот лаптоп со дебелина под еден сантиметар. Со своите 9.33 мм, лаптопот на „Acer“ ја превзема на досегашниот носител на титулата „најтенок лаптоп во светот“ – „HP Spectre“ (10,4 mm).
Моделот тежи само 1,1 килограми. Поради својата мала дебелина, „Swift 7“ е опремен само со USB-C 3.1 порта и аудио приклучок. Во однос на хардверските спецификации сепак компромиси не се правени – „Swift 7“ е придвижуван од „Intel Core i5“ од седмата генерација и има 8 GB RAM и 256 GB SSD.
Покрај тоа „Acer“ ветува дека батеријата на моделот ќе издржи до 9 часа без полнење. Уредот ќе биде пуштен во продажба во октомври по цена од 999 долари во САД (1299 евра во Европа).
Серијата „Swift“ вклучува и три модели од пониска класа, кои ќе се продаваат по цени од 249, 499 и 749 долари.
Но со тоа изненадувањата од страна на „Acer“ не завршуваат тука. Компанијата претстави уште и 21-инчен модел со заоблен екран, насочен кон гејмерите. Тежина е околу 8 килограми, а уредот доаѓа со две графички картички „GeForce GTX 1080“, вградена механичка тастатура и до 64 GB меморија. Моделот одржува максимална резолуција од 2560 x 1080 пиксели, а екранот ја има технологијата „NVIDIA G-Sync“. Моделот кој се нарекува „Predator 21 X“, ќе дебитира на пазарот во 2017-та година.
Конечно Acer претстави и серија хибридни уреди „Spin“, комбинирање на функционалноста на таблет и лаптоп. Предводникот, моделот „Spin 7“ е со дебелина од 10.94 мми 14-инчен екран на допир. Конфигурацијата вклучува уште процесор „Intel Core i7“ од седмата генерација, 256 GB SSD диск и до 8 GB меморија.