„Google“ ќе отвори физичка продавница на „YouTube“ во Лондон, каде популарните ѕвезди од видео платформата ќе можат да продаваат свои промотивни сувенири.
Местото ќе се нарекува „Creator Store“ и ќе ги отвори врати во рамките на следните четири недели. Тоа ќе биде дел од новиот простор на „YouTube“, наречен „YouTube Space“ што беше отворен оваа недела на првиот кат во 11-катната канцеларија на „Google“ на „King’s Cross“.
Продавницата ќе продава маици, книги, чаши за кафе, рамки за слики и други производи, создадени од дизајнерите и тимови кои работат со дел од најпопуларните креатори на содржини на „YouTube“. Освен тоа, може да се користи за доделување на автограми на книги и презентација на нови производи.
Дарлингтон Хауард, виш програмски стратег во „Google“, одговорен за „YouTube“, коментира дека целата добивка од продавницата ќе оди кај креаторите на содржини.
„YouTube Space“ вклучува и три студиа кои можат да се искористат од предметните популарни личности. Во просторот има бар и место за средба, кои се отворени за сите.
Местото е создадено за да им помогне на лицата од „YouTube“ да го подобрат квалитетот на своите видео содржини, така што ќе им даде пристап до работилници и до опрема која инаку не би можеле да си ја дозволат.