Цените на нафтата на меѓународните берзи во среда се лизнаа под нивото од 49 долари, под влијание на шпекулациите дека евентуалниот договор на производителите за намалување на производството нема значително да го намали прекумерното снабдување на пазарот.
На лондонската берза цената на барелот падна 47 центи во однос на претходното затворање и изнесуваше 48,76 американски долари. На американскиот пазар барелот се тргуваше по речиси непроменета цена во однос на претходното затворање, од 46,4 долари.
Одвоено, ОПЕК објави дека референтната цена за барел на неговата нафта во вторник изнесувала 45,03 долари, што значи дека пораснала 1,11 долари во однос на претходниот трговски ден.