„Subaru“ планира да пушти на пазарот целосно електричен кросовер најдоцна во 2021-ва година, соопшти јапонското издание „Nikkan Kogyo Shimbun“.
Ова ќе биде првиот целосно електричен модел на брендот, а тој ќе биде базиран на следната генерација „Forester“ или „Outback“, покажува информацијата. Двата модела ќе бидат изградени на новата платформа на компанијата – „Subaru Global Platform“, која беше претставена претходно во оваа година.
Од јапонската марка одбија да дадат коментар за идниот проект, но потсетија дека во блиска иднина ќе претстават и „plug-in“ хибрид. Открија и дека евентуалниот кросовер најверојатно ќе го прифати дизајнот на минатогодишниот концепт „Viziv Future“.
Јапонското издание заклучува дека целта на „Subaru“ е да го лансира електричниот модел на американскиот пазар во текот на следните 5 години.
