Жито Лукс ја подобри Бруто добивката за 18% во првото полугодие од 2016 година, што резултираше со остварување на Оперативна добивка поголема за 27 милиони денари споредено со истиот период минатата година, а нето добивката изнесува 6,8 милиони денари.
Приходи од продажби
Вкупните приходи од продажба се намалени за 10%, воглавно поради де-фокусот на компанијата од производите со ниска профитна маржа како што е професионалното брашно, како и поради намалени цени на категоријата леб во Скопје.
Трошоци
Подоброто управување со производните трошоци и пониската цена на пченицата доведе до намалување на трошоците на продадени производи односно зголемување на Бруто добивката за 18% споредено со истиот период минатата година. Административните трошоци се зголемени за 6%, додека трошоците за продажба и маркетинг се намалени за 5%, споредбено со минатата година.
Останати оперативни приходи и расходи
Намалувањето на останатите оперативни приходи е поради отуѓување на нетековни средства расположливи за продажба во 2015 година.
Идни аспекти
Менаџментот на компанијата ги продолжува напорите за подобрување на оперативната добивка и обртниот капитал. Стратегијата е насочена кон проширување на постојните пазари и навлегување во нови, лансирање на производи со додадена вредност кои ќе ги задоволат специфичните потреби на потрошувачите и силна рекламна покриеност на овие иницијативи.
Финансискиот извештај можете да го погледнете тука.
