Јапонскиот производител „Toyota“ продолжува да го задржува првото место во рангирањето за најпопуларен бренд во светот. Тоа го покажува истражувањето на агенцијата „focus2move“, според кое за првите 6 месеци од 20160-та година, Брендот од Земјата на изгрејсонцето забележал 4.187.000 продажби на глобалните пазари.
Резултатот на „Toyota“ е за 16.000 единици подобар од оној за првото полугодие од минатата година, што претставува раст од 0,4%. На второ и трето место со минимална разлика се „Volkswagen“ и „Ford“. Германската марка има 3.256.000 продажби (-1,4%), а пак американската 3.177.000 (+ 3,1%). И двата брендови заостануваат приближно со милион единици зад лидерот.
Промени во првата десетка на марките речиси нема. Сепак треба да се напомене дека „Mercedes-Benz“ влегува во Топ 10, а „Honda“ и „Renault“ се искачуваат со по едно место во споредба со минатата година. Во исто време „Peugeot“ загуби 3 позиции и сега е на 12-то место наместо на 9-тото место, каде што беше пред 12 месеци.
Генерално за периодот јануари-јуни 2016-та година на светските пазари се продадени 45.8 милиони нови автомобили, што е рекорд во историјата на автомобилската индустрија. Резултатот е за 3% подобар од оној во првото полугодие од 2015-та година.
