Третата најголема компанија за производство на пиво во светот „Heineken“ забележа профит за првата половина од годината, кој ги надмина проценките на аналитичарите, и ја потврди прогнозата за проширување на годишната профитна маргина, соопштува „Bloomberg“.
Приспособениот профит пред каматите и даноците се зголемил за 12,6% до 1,71 милијарди евра во првата половина од годината, објави компанијата со седиште во Амстердам. Средната оценка на аналитичарите анкетирани од „Bloomberg“ беше за 1,67 милијарди евра.
Волуменот на продадено пиво на „Heineken“ на органска база се зголеми за 4,1%, што е помалку од проценката за раст од 4,3%.
„Презентацијата во првата половина се одразува за многу добар прв квартал, поттикнат и од меките компаративни податоци. Иако Африка, Блискиот Исток и Источна Европа продолжуваат да бидат предизвик, презентацијата беше силна во некои клучни пазари во развој, како Виетнам и Мексико“, вели главниот извршен директор Жан-Франсоа ван Боксмеер во соопштението.
Според прогнозата на „Heineken“, Азија ќе го зајакне растот на продажбата во позадина на застојот на пазарот на пиво во Европа и послабата потрошувачка во Русија и Нигерија поради ниските цени на нафтата.
Можно е да се наметне „Heineken“ да склучи договор со некој многу поголем конкурент слично на купувањето на „SABMiller“ од „Anheuser-Busch InBev“ за 104 милијарди долари.
