Новата мобилна игра „Pokemon Go“ генерира 10 милиони долари приходи секој ден од „iOS“ и „Google Play“ ширум светот, покажуваат податоците на „App Annie“, цитирани од „Venture Beat“.
Аналитичарот на компанијата Самир Синг, кој ги следи „Apple Store“ и „Google Play“, го нарекува „невиден успех“ во достигнатите 36,9 милијарди долари во индустријата со мобилни игри.
Според зборовите на Синг податоците на „App Annie Intelligence“ покажуваат дека „Pokemon Go“ нема трајно и значајно влијание врз дневните приходи на другите игри во „iOS“ и „Google Play“.
„Дневните приходи на другите игри се намалија за кратко по излегувањето на „Pokemon Go“, но брзо се обновија до претходните нивоа за неколку дена“, коментира тој.
Податоците на „App Annie“ покажуваат дека „Mobile Strike“, „Clash of Clans“ и „Candy Crush Saga“ не забележуваат значителен пад во дневните приходи.
„Генерално тоа не е особено изненадувачки, бидејќи поголемиот дел од приходите на една игра доаѓаат од еден мал дел од корисниците. А овие играчи е малку веројатно да се поврзани со неколку врвни игри“, пишува експертот.
