Легендарниот „McLaren F1“ може да биде произведен повторно во ограничен тираж од 64 примероци, објави „Autocar“.
Иако „P1“ е сметан за овој период за наследник на „F1“, британската компанија „McLaren“ има намера да лансира суперексклузивен автомобил во 2018-та година, кој ќе располага со истиот распоред на седиштата – 1 + 2, како кај оригиналниот „F1“.
Погонот на новиот „McLaren“ најверојатно ќе биде од преработен 3,8-литарски битурбо V8 мотор со 700 КС. Тој, сепак, за разлика од „P1“, нема да има хибриден систем. Со подобрувањата на моторот и лесната шасија на идниот „F1“, се претпоставува дека максималната брзина од 320 км/ч ќе биде лесно достапна.
Повикувајќи се на извор на „Autocar“, тоа ќе биде најдобриот „McLaren“ во историјата на компанијата, иако не е побрз од „P1“.
Се уште не се познати сите информации за идниот проект на компанијата од Вокинг, но најверојатно обновениот „F1“ ќе чини 2 милиони фунти, што е двапати повеќе од „P1“.
