Автомобилските компании имаат огромни буџети за рекламирање, преку кои ги промовираат своите производи. Анализата на „Global Equities Research“, објавена од „Teslarati“, открива кои производители трошат најмногу за реклама и кои издвојуваат најмалку.
Како што може да се очекува со највисоки трошоци за реклама се производителите на луксузни автомобили. Прва е британската марка „Jaguar“ која издвојува по 3.325 долари од продажната цена на секој свој автомобил.
По неа е „Lincoln“ со 2.550 долари, а на третото место се наоѓа „Fiat“ (2.158 долари). Во последните неколку години италијанската компанија ја започна големата обнова на својата палета на модели, поради што веројатно морале да одвојат поголем буџет за реклама. Во топ 5 присутни се уште „Lexus“ и „Cadilac“.
Со најмали трошоци за реклама е американскиот производител на електрични автомобили „Tesla“ – само 6 долари за продаден автомобил. Во топ 5 се наоѓаат уште „Toyota“, „Honda“, „Porsche“ и „Smart“.
Просечната сума за автомобилскиот сектор е 1.000 долари.
„Некои марки на автомобили се покажаа со текот на времето и не им е потребна голема реклама. Големо изненадување тука е младата компанија „Tesla“, која за кратко време и без многу трошоци успеа да изгради одличен имиџ“, коментираат од „Global Equities Research“.
Деталите погледнете ги во табелата:
