Британскиот производител „Bentley“ ќе им предложи на своите клиенти нов луксузен седан, кој ќе се распореди над сегашниот предводник „Mulsanne“ во палетата на брендот. Ова го соопшти главниот инженер на компанијата Ролф Фреч за „Automotive News“.
Новиот автомобил ќе биде изграден на платформата на „Mulsanne“, но ќе добие свое име. Лимузината ќе излезе во серија од 50 до 100 единици, а секоја од нив ќе биде ексклузивна.
„Тоа не значи дека се подготвуваме да понудиме модел со поголеми димензии од „Mulsanne“. Но во овој сегмент секогаш има можност за правење на нешто единствено од сето создадено до овој момент“, објасни Фреч.
Обновениот „Bentley Mulsanne“ беше претставен на саемот во Женева во пролетта. Седанот добие преработен дизајн, како и целосно нова кабина, дополнителна опрема, како и нова модификација – „Mulsanne Extended Wheelbase“, при што растојанието помеѓу двете оски е зајакната со 25 см.
Покрај излегувањето на нов предводник на брендот Фреч потврди и развој на модел кој ќе се распореди најниско во палетата на „Bentley“. Тоа ќе биде автомобил, создаден според мотивите на концептот „EXP 10 Speed6“ кој предизвика огромен интерес. Машината ќе биде помала и поевтина од семејството „Continental GT“, најверојатно ќе се вика „Barnato“.
