Додека „Apple“ се подготвува за септемвриското претставување на новиот „iPhone“, во интернет просторот кружат бројни гласини. Традиционално се очекува „Apple“ да претстави две верзии на својот нов „iPhone“, a тоа ќе биде „iPhone 7“ и „iPhone 7 Plus“.
„Apple“ би требало да ги задржи истите димензии на екранот, што значи дека „iPhone 7“ веројатно ќе има 4,7-инчен „3D touch“ екран, a поголемиот „iPhone 7 Plus“ ќе биде со 5,5-инчен екран. Очекувањата се дека компанијата од Купертино ќе ја зголеми резолуцијата.
Новите „iPhone“ уреди ќе го имаат процесорот на „Apple“ – „A10“ и 2 GB RAM, додека „iPhone 7 Plus“ би можел да има 4 GB RAM.
„Apple“ би можел да се откаже од верзијата со интерна меморија од 16 GB, па се очекува минималната внатрешна меморија да изнесува 32 GB. За бизнис корисниците најверојатно ќе биде достапна верзија со интерна меморија од 256 GB.
Компанијата „Apple“ направи големи планови за „iPhone 7 Plus“, a се очекува овој уред да има задна камера од 16 и предна од 8 мегапиксели, додека „iPhone 7“ ќе има задна камера од 12 и предна од 5 мегапиксели.
Нормално, во новите модели на „iPhone“ ќе се користи најновата верзија „iOS 10“, кој нуди „паметна“ виртуелна тастатура со интелегентни предлози. Новиот оперативен систем има и подобрени апликации.
Новите „Apple“ смартфони ќе добија поголеми батерии, „iPhone 7“ ќе се напојува од батерија од 3.000, a „iPhone 7 Plus“ батерија од 4.000 mAh.
Исто така се очекува дека новиот „iPhone“ ќе го замени 3,5 mm конекторот за слушалки со „Lightning“ слушалки.
Поголемата батерија можеби ќе овозможи и опција за брзо полнење, но експертите тоа неможат со сигурност да го потврдат.
Водоотпорноста е веќе стандардна, кога станува збор за уредите со оперативниот систем „Android“, а оваа предност конечно би можеле да ја добијат и смартфоните на „Apple“. Според последните информации, отпорен на вода ќе биде само „iPhone 7 Plus“.
