Британската марка „Noble“ го искористи Фестивалот на брзината во Гудвуд, за да ја покаже сериската верзија на спортскиот роудстер „Noble M600 Speedstar“.
Под хаубата на автомобилот е поставен 4,4-литарски би-турбо V8 мотор кој развива моќност од 650 КС и 880 Нм вртежен момент. Моторот е направен од „Yamaha“ и беше поставен на една од модификациите на првата генерација на „Volvo XC90“.
Агрегатот се комбинира со 6-брзински секвенцијален менувач, но како опција се нуди и рачен менувач исто со 6 брзини. Ова му овозможува на роудстерот со заден пренос да забрза од 0 до 100 км/ч за само 3 секунди.
Продажбата на „Noble M600 Speedstar“ ќе стартува, дури откако моделот ги помине сите потребни за сертификации од краш-тестовите. Се очекува тоа да се случи до крајот на оваа година.
Цена на автомобилот ќе биде 220.000 британски фунти или околу 305.000 американски долари.
