Од корпорацијата „Kia Motors“ известија дека во март месец продале 2.7 проценти повеќе автомобили во споредба со истиот месец од 2012-та година. Најголем раст е забележан во Кина, каде продале 48.364 возила, а пак во Европа имале раст од 7 проценти или продадени 57.651 единици.
Кина воедно е и пазарот каде „Kia“ забележа најголем раст во првиот квартал од оваа година од 24 проценти или 144.559 возила, а овој успех го следеше и Европа каде со автомобили на овој производител се снабдиле 135.571 корисници.
Глобално најпродаван модел на „Kiа“ во месец март е „Rio“ со 44.371 продадени примероци. Спортскиот теренец „Sportage“ го зазеде второто место со 32.966 возила, додека третот место му припадна на „Forte“ со продадени 32.799 автомобили. Меѓу првите пет се најдоа и лимузината „Optima“ (23.981) и големиот спортски теренец „Sorento“ кој си најде нови 17.402 сопственици.
