Премиерата на втората генерација на „Porsche Panamera“ е закажана за 28-ми јуни, но во интернет-просторот се појавија фотографии на возилото. На нив е претставена модификацијата „Panamera Turbo“.
Промените во дизајнот на автомобилот се минимални, како што тоа се очекуваше, откако на неколку пати во последните месеци беа снимени тест прототипите на моделот. Измени сепак има како во предниот, така и во задниот дел на возилото, но генерално тој е лесно препознатлив.
Целосно сепак е преработен ентериерот на моделот. Од аналогните делови е запазезен исклучиво мерачот на вртежи, додека останатите веќе се дигитални. Променети се мултимедијалните системи и рачката за менување на брзините. Во кабината се поставени нови спортски седишта и информациско-забавен систем за патниците на задната клупа.
На една од фотографиите е прикажан и новиот 4,0-литарски турбо V8 мотор, со кој ќе биде опремен автомобилот. Уште во мај од „Porsche“ соопштија дека агрегатот ќе добие моќност од 550 КС и 770 Нм. За споредба сегашната верзија „Panamera Turbo“ има 4,8-литарски V8 со 520 КС и 700 Нм.
Покрај моделите со 4 врати, компанијата од Штутгарт најави дека втората генерација на моделот ќе биде претставена и како спортски караван – „Panamera Shooting Brake“, кој ќе биде прикажан до крајот на годината.
