Некогашната „MX“ премиум серија на паметни телефони на компaнијата „Meizu“, која што во таа улога ги заменија „Pro“ моделите (последниот таков уред е „Meizu Pro 6“), наскоро ќе добијат нов претставник.
Новиот „MX6“ модел се очекува „Meizu“ да го претстави на 19-ти јули на конференција за новинарите која ќе се одржи во Пекинг. Станува збор за одложување за еден месец, затоа што претходното претставување на смартфонот беше закажано за 20-ти јуни.
Според достапните информации, „MX6“ ќе биде паметен телефон со 5,5 инчен 2.5D екран чија резолуција изнесува 1920 x 1080 пиксели и ќе биде достапен во две верзии кои ќе се разликуваат само по количината на „RAM“ и интерната меморија.
Нешто поевтината верзија ќе содржи 3 GB RAM и 32 GB интерна меморија, додека поскапата ќе има 4 GB RAM и 64 GB интерна меморија. Главната камера ќе има сензор од 20,7 мегапиксели, додека предната ќе биде од 8 мегапиксели.
„Meizu MX6“ го користи 10-јадрениот процесор „MediaTek – Helio X20“, што е помалку изненадување со оглед на тоа дека премиум уредот на компанијата, „Pro 6“ користи малку подобрена верзија на тој процесор под името „Helio X25“.
