Во 2019-та година компанијата „Maserati“ ќе пушти на пазарот електричен спортски автомобил. Ова го пишува весникот „Bloomberg“, кој се повикува на шефот на Алијансата „Fiat Chrysler Automobiles“ (FCA) – Серџио Маркионе.
„Искрено, економскиот модел на „Tesla Motors“ не ми дава ниту миг мир. Задолжително треба да земеме пример од него и мислам дека сличен експериментален проект може да биде спроведен од „FCA“ до крајот на деценијата“, коментира Маркионе.
Според првичните податоци Алијансата ќе предложи електрична модификација на концептот „Alfieri“ кој беше прикажан во 2014-та година на автосаемот во Женева. Се очекува спортското купе со мотор со внатрешно согорување да излезе во 2018-та година, а една година подоцна „Maserati“ да ја претстави и неговата електрична верзија.
Маркионе исто така, потврди дека во 2021-ва година „Maserati“ ќе го нуди секој свој модел и во хибридна модификација. Тоа значи дека до 5 години на пазарот ќе се појават бензински-електрични верзии на „Quattroporte“, „GranTurismo“, „GranCabrio“, „Ghibli“ и „Levante“.
