Долгот на Грција е неодржив, изјави директорката на Меѓународниот монетарен фонд Кристин Лагард на конференцијата во Виена.
Таа на конференцијата „Финансиите во дијалогот“ во австриската престолнина, подвлече цврст став на Фондот во поглед на финансиското учество на таа институција во новата грчка програма, пренесува грчката агенција АНА.
„Дури по потврдата дека грчкиот јавен долг е одржлив, Меѓународниот монетарен фонд може да заземе учество во програмата“, порача таа.
Лагард, исто така, потсети дека целта на ММФ е повраток на Грција на финансиската стабилност со цел таа земја да биде во состојба самостојно да ги покрива своите потреби за задолжување.
