Јапонската компанија Панасоник се подготвува да додели 10,000 откази до крајот на март 2013 година.
На крајот од март завршува работната година на Панасоник, пренесуваат француските медиуми.
„Целта е да се намалат трошоците и да се подобри рентабилноста“, рече финансискиот директор на Панасоник, Хидеаки Каваи за Ројтерс. „На околу 100 опфатени погони, една петина губи пари“ наведува Каваи.
Во текот на претходната работна година, Панасоник веќе го намали бројот на вработени за 36,000, пред се со отстапување на деловни активности.
