Нови информации за идните планови на „Microsoft“ за „Xbox One“ се појавија во онлајн просторот, кои укажуваат за што се подготвува компанијата, пишува „TechTimes“.
Од пред извесно време се слушаат гласини дека таа може да претстави две верзии на својата конзола „Xbox One“ – „Xbox One Scorpio“ и „Xbox One Slim“.
Според информациите „Xbox One Scorpio“ најверојатно ќе вклучува функции поврзани со виртуелната реалност, а ќе биде помоќна од „Play Station 4“ и дури од „PlayStation 4.5 Neo“.
Од друга страна „Xbox One Slim“ ќе има помало тело од „Xbox One“, а слотот за „DVD“ ќе се отстранет за да може уредот да биде потенок.
Од самата компанија се уште не ја потврдиле оваа информација. „Microsoft“ е позната по тоа што претпочита да не открива што работи.
Според „GameStop“ се очекува до крајот на оваа година да се појави „Xbox One“ со меморија од 2 TB, а цената на конзолата ќе биде 450 долари.
Се уште не е јасно дали нарекуваната „Microsoft Xbox One 2 TB“ е всушност „Xbox One Scorpiо“, а „Xbox One Slim е подобрена верзија на „Xbox One“. Поголемата меморија значи дека корисниците нема да треба да купуваат посебен уред за складирање, а тоа може да доведе до поголема продажба на „Xbox“.
