Американскиот онлајн концерн „Amazon.com Inc.“ планира да инвестира 3 милијарди долари во Индија, обложувајќи се на тоа дека земјата ќе стане важен пазар за онлајн трговија, а со кој ќе го поттикне растот на продажбата, објави „MarketWatch“.
Извршниот директор Џеф Безос ги објави плановите на компанијата за време на состанокот со бизнис лидерите и индискиот премиер Наренда Моди во Вашингтон. „Amazon гледа голем потенцијал на индискиот пазар“, вели Безос, додавајќи дека компанијата веќе има создадено 45.000 работни места во јужноазиското земја.
Така онлајн трговецот на мало го зголемува вкупниот износ на инвестиции во Индија до 5 милијарди долари, откако во 2014-та година најави дека ќе вложи 2 милијарди долари во бизнис во земјата.
Портпаролот на трговскиот гигант одби да даде детали за тоа како ќе бидат распределени новите средства и за колкав период. „Amazon“ работи на индискиот пазар по индиските правила, продавајќи само стока, понудена на интернет од трети страни.
„Amazon“ се насочи кон Индија како сериозен извор за меѓународен раст, откако се повлече од Кина поради жестоката конкуренција од страна на гигантот во електронската трговија „Alibaba Group Holding Ltd“. Во прилог на пребарувањето на нови клиенти „Amazon“ бара во Индија и нови стоки кои ќе ги да продава на глобално ниво.
„Amazon“, која го добива најголемиот дел од меѓународната приходи од Велика Британија, Јапонија и Германија, не генерираат повисока продажба во Индија. Приходите на групата во статијата „Другите меѓународни пазари“, вклучувајќи ја Индија, достигнаа 7,4 милијарди долари во 2015-та година, или 6,9% од вкупните приходи.
„Amazon“, која дебитираше во Индија во 2013-та година, инвестираше значителна сума, за да го оспори лидерството на локалните компании за електронска трговија „Flipkart“ и „Snapdeal“. Безос изјави на прес-конференција минатата недела дека Amazon ќе отвори повеќе дистрибутивни центри и ќе го промовира снабдувањето на блиски растојанија.
„Ние веќе направивме над 45.000 работни места во Индија и продолжуваме да гледаме огромен потенцијал во индиската економија“, вели Безос според цитирано соопштението.
„Amazon“ има долгорочна визија за тоа како да се стане главен посредник кој ќе ги поврзува фабриките во Индија и Кина со клиентите во САД и Европа. Компманијата ја проширува својата услуга „Fulfillment By Amazon“ со која обезбедува чување, пакување и испорака од страна на независни трговци кои продаваат производи на концернот, па ја претвора во глобална логистичка услуга, пренесува „Bloomberg“.
Користењето на интернет во Индија е во пораст во моментов, а веб шопингот е на пат да генерира 25 проценти од вкупниот волумен од трговијата на мало до 2020-та година, откако бројот на онлајн купувачи ќе помине 175 милиони до тогаш, покажува извештај на „Google Inc.“ и „AT Kearney Inc.“.
