Трговскиот дефицит се прошири во почетокот на вториот квартал, но помалку од очекувањата. Вредноста расте со 5,3% до 37,4 милијарди долари во април, откако во март забележа најниско ниво од декември 2013-та година, покажуваат податоците на Министерството за трговија, цитирани од „WBPonline“. Очекувањата на пазарите беа за далеку поголема вредност – 41,9 милијарди долари.
Весникот посочува дека помалиот дефицит во споредба со прогнозите се должи главно на годишни ревизии на податоците кои властите ги направиле со овој извештај и кои влијаат на податоци до јануари 2013-та година.
Дефицитот во април е помал од просечната вредност во првиот квартал (40,6 милијарди долари). Ова покажува дека во почетокот на вториот квартал се забележува позитивен придонес кон БДП-то од страна на трговијата.
Увозот во април се зголеми за 2,1 проценти на 220,2 милијарди долари, а увозот на услуги достигнува нов рекорд од 41,4 милијарди долари. Уште поважно е сепак е обновата на увозот на капитални стоки, кој пред еден месец достигна најниско ниво од септември 2013-та година.
Извозот расте со 1,5% до 182,8 милијарди долари и претпоставува обновување на побарувачката надвор од границите на САД, како и бледите ефекти од силниот долар. Американските компании увезувале значително повеќе индустриски производи во почетокот на вториот квартал.
Дефицитот во трговијата со нафта се намалува до 3,1 милијарди долари, што е најниско ниво од февруари 1999-та година, и е одговорен за 8,4% од номиналниот дефицит. Во првите четири месеци од годината нафтениот дефицит се намалува со 56,5% во споредба со истиот период од минатата година.
