Компанијата „Audi“ официјално ја откри новата генерација на купето „A5“ и на неговата спортска модификација – „S5“. Моделот ја промени платформата, добил зголемено меѓуоскино растојание и ја намалил тежината за 60 килограми. Нова е и палетата мотори.
Новото „Audi A5“ е изградено на модуларната платформа „MLB“, која беше користена и за седанот и караванот „A4“. Ова е втор модел на производителот од Инголштад со новиот систем за погон на четири тркала „quattro ultra“, при што централниот диференцијал „Torsen“ е заменет од електронски управувана спојка.
Покрај тоа кабината е опремена со електромеханички засилувач и опционалниот систем за „активно“ управување на воланот. Таа ја менува силата на воланот во зависност од аголот на вртење и брзината на возилото.
На пазарот во Европа моделот ќе се нуди со избор од 5 мотори – 2 бензински „TFSI“ и 3 дизели „TDI“. Основната верзија е со 1.8-литарски бензински мотор со 177 КС, кој го заменува досегашниот 2,0-литарски со 190 КС. Истиот агретат ќе биде достапен и во форсираната варијанта со 252 КС.
Дизелите се 2,0-литарски, како и 3-литарски во две варијанти, а најмоќниот е со 286 КС. Од „Audi“ прецизираат дека новите агрегати се со 17% помоќни од досега, а во исто време трошат 22% помалку гориво. Тие се комбинираат со 6-брзински мануелен менувач или со 7-степен автоматски менувач со 2 спојки.
Исклучок прави само најмоќната дизелска верзија, за која е предвиден 8-степен автоматски „ZF“. Со него е опремена и спортската модификација „Audi S5“, која се потпира на 3.0-литарски бензински турбомотор со 354 КС. Кај неа забрзувањето од 0 до 100 км/ч трае 4,7 секунди, а просечната потрошувачка на гориво е 7,3 л/100 км.
Во 2017-та година компанијата ќе понуди и уште побрза и моќна верзија на моделот – „RS5“. Таа ќе добие 3,0-литарски твин-турбо „V6“ бензински мотор, кој ќе развива моќност во редот на 450 КС.
Во опремата на новото „A5“ влегуваат „LED“ матрични фарови, дигитален панел „Virtual Cockpit“ со 12,3-инчен екран на допир, мултимедијален комплекс „MMI“ со 8,3-инчен дисплеј на конзолата кој ги поддржува системите „Apple Car Play“ и „Android Auto“. Благодарение на тоа некои од карактеристиките на возилото (како централната заклучување, на пример) може да се ракува од смартфон.
За доплата клиентот добива безжичен полнач за смартфон и аудио „Bang & Olufsen“, систем за следење лентата на движење и на мртвите зони, камера за препознавање на сообраќајните знаци, адаптивен круз-контрол, кој може сам да управува со возилото во сообраќајот, а исто така и пристап до интернет преку „Wi-Fi“.
