Победник на годишниот конкурс „Меѓународен мотор на годината“ стана 3,9-литарскиот би-турбо „V8“ на „Ferrari – F154“, кој е дел од моделот „488 GTB“ и располага со моќност од 670 КС.
На овој начин за прв пат во последните 8 години триумфот го обезбеди мотор со повеќе од 4 цилиндри. За последен во 2005-та и 2006-та година на прво место беше оценет 3.0-литарскиот агретат со 6 цилиндри на „BMW – N54B30“, по што секогаш на врвот се само мотори со 3 или 4 цилиндри.
Покрај главната награда „F154“ победи и во категориите „Најдобар нов мотор“, „Најдобар спортски мотор“ и „Најдобар мотор со зафатнина меѓу 3,0 и 4,0 литри“. Во конечниот пласман италијанскиот мотор собра вкупно 331 поени или 47 бода повеќе од 1.5-литарскиот агрегат кој се користи како дел од хибридниот систем на „BMW i8“.
На трето место е 3,0-литарски турбомотор на „Porsche“. Следат 1,2-литарскиот турбодвигател на „PSA“, 1,0-литарски мотор „EcoBoost“ на „Ford“, 2,0-литарскиот агрегат со 4 цилиндри на „Mercedes-AMG“, 6,3-литарскиот „V12“ на „Ferrari“ и 2.5-литарскиот 5-цилиндричен мотор на „Audi“.
Победниците во одделните категории:
Мотор на годината – 3,9-литарски би-турбо Ferrari V8
Најдобар нов мотор – 3,9-литарски би-турбо Ferrai V8
Најдобрите спортски мотор – 3,9-литарски би-турбо Ferrari V8
Најдобар „зелен“ мотор – Tesla
Најдобар мотор до 1 литар – 3-цилиндарскиот турбо Ford EcoBoost (999 кубни цм)
Мотор меѓу 1,0 и 1,4 литри – 1,2-литарскиот турбо со 3 цилиндри на PSA
Мотор меѓу 1,4 и 1,8 литри – 1,5-литарскиот турбо со 3 цилиндари на BMW i8
Мотор меѓу 1,8 и 2,0 литри – 2,0-литарскиот турбо на Mercedes-AMG
Мотор меѓу 2,0 и 2,5 литри – 2,5-литарскиот турбо со 5 цилиндари на Audi
Мотор меѓу 2,5 и 3,0 литри – 3,0-литарскиот турбо на Porsche
Мотор од 3,0 до 4,0 литри – 3,9-литарскиот би-турбо Ferrari V8
Мотор над 4,0 литри – 6,3-литарски атмосферски V12 Ferrari
