Компанијата „Samsung“ и официјално ги најави своите два нови „Galaxy Mega“ 6.3 и 5.8. Двата телефони позајмуваат некои од карактеристиките на водечкиот модел „Galaxy S IV“, но нудат многу поголеми екрани. Од друга страна тие сепак таргетираат на средниот сегмент.
„Samsung Galaxy Mega 6.3“ има 6.3-инчен LCD екран со резолуција од 720p, а базиран е на чипсетот „Exynos 5250“ со dual-core Cortex-A15 1.7 GHz процесор и 1.5 GB RAM меморија. Доаѓа со платформата на „Android 4.2 Jelly Bean“ и со „Samsung TouchWiz“ модификациите како што се „Multi-window“ и „Air View“. Покрај тоа треба да се истакне дека има камера од 8 мегапиксели, батерија од 3200mAh, додека димензиите му се 167.6 x 88 x 8 mm, а пак тежината на овој уред изнесува 199 грама.
„Galaxy Mega 5.8“ е нешто помал од другиот модел, а резолуцијата на неговиот LCD екран е „qHD“, а исто така брзината на процесорот е намалена на 1.4 GHz. Неговите димензии се 162.6 x 82.4 x 9 mm и вкупната тежина изнесува 182 грама, додека батеријата му е 2600 mAh. „Samsung Galaxy Mega“ моделите ќе бидат достапни во Европа во мај, но нивната цена се уште не е позната.
