Просечната месечна плата во Русија падна под 450 долари, што е пониско од просечната плата во Кина, изјави главниот аналитичар на руската Sberbank, Михаил Матовников.
„Работната сила во Русија е сега поевтина отколку во Кина“, изјави Матовников, пренесува руската агенција Тас.
Просечната месечна плата во Русија изнесува 433 долари, што, според неговите зборови, е помалку од приходите во Србија, Романија, Кина и Полска.
„Намалувањето на заработката, сепак, им овозможи на некои компании кои работат во Русија да започнат со извозот на производи во странство“, наведе Матовников на состанокот со акционерите на Sberbank во Санкт Петербург.