За прв пат лаптопите „Chromebook“ кои се дело на „Google“, имаат забележано поголема продажба во САД од лаптопите на „Apple“. Тоа се случило во првиот квартал од оваа година, објави аналитичарската компанија „IDC“ пред онлајн изданието „The Verge“.
Според аналитичарите, за дадениот период снабдувањето на „Mac“ лаптопи било околу 1,76 милиони примероци. Сепак се продадени речиси 2 милиони лаптопи „Chromebook“. Но, ова е само споредба за платформите. Од гледна точка на производители, „Apple“ останува лидер, бидејќи сепак само таа продава „Mac“. Бројот продадени „Chromebook“ пак е генериран вкупно од „Dell“, „HP“ и „Lenovo“.
„Chromebook“ се евтини лаптопи со оперативниот систем „ChromeOS“ на „Google“. Со текот на времето тие добија голема популарност меѓу ученици. Тоа е и меѓу ретките моменти кога се појавуваат некои информации за претставувањето на „Chromebook“. „Google“ обично не дава информации, а аналитичките компании се фокусираат главно во генерализирање на податоци.
Сепак „Google“ постојано го зацврстува интересот кон „Chromebook“ како платформа. Имаше шпекулации дека „ChromeOS“ може да биде обединет со „Android“, но компанијата објави дека платформите се со сосема различни цели и не го планира ова. Сепак, за време на конференцијата „Google I / O“, интернет гигантот најави дека наскоро апликации за „Android“ ќе може да се користат и од „ChromeOS“ со цел да се зголеми нивната популарност и практичност.
