Производителот на смартфони „Motorola“, сопственост на кинеската „Lenovo“, претстави три нови модели од серијата „Moto G“, воведувајќи нови стандарди кај најевтините уреди.
Добрата вест е дека кај новите смартфони двојно е зголемен обемот на внатрешната меморија, со која се нудат (наспроти минатогодишниот претставник на серијата) – 16 GB.
Трите нови модели се основниот „Moto G4 Play“ со помал 5-инчен „HD“ дисплеј и чип „Snapdragon 410“, „Moto G4“ со 5.5 инчен „FHD“ дисплеј со процесор „Snapdragon 617“ и „Moto G4 Plus“, кој има сензор за отпечатоци и подобра 16-мегапикселна камера.
Кај основниот модел „Moto G4 Play“ недостасува можноста за брзо полнење, која е присутна кај другите два модели. И трите смартфони се со оперативениот систем „Android 6.0.1 Marshmallow“, а основниот модел е со 8 мегапикселна камера, додека моделот „Moto G4“ се издвојува со 13-мегапикселната задна камера. Предната камера кај трите смартфони е петмегапикселна, а тие имаат исто така слот за картичка со која се проширува на меморијата.
Батеријата на основниот модел е 2.800 mAh, додека на другите два е со капацитет од 3.000 mAh. Оперативната меморија е 2GB, а таа е продолжена до 4 GB само кај моделот „Moto G4 Plus“ во верзијата со 64 GB внатрешна меморија.
Цените на трите уреди се уште не се познати.
