Експертите од агенцијата „Avtostat“ открија кои се најпопуларните модели на десетте најголеми европски пазари за првиот квартал во 2016-та година.
Анкетата покажува дека на најголемиот пазар во Европа – во Германија, лидер продолжува да е „Volkswagen Golf“, кој забележал 61.238 продажби. Тоа е намалување за 7,4% во споредба со истиот период од 2015-та година. Моделот го зазема првото место во уште две држави – Белгија (30.363 единици, пад од 16,3%) и Холандија (30.012 примероци, пад од 10, 7%).
Во Велика Британија на чело е „Ford Fiesta“ со 36.327 продажби (-8,9%). На италијанскиот пазар лидер е „Fiat Panda“ со 44.034 продажби. Тоа е и моделот со најголем раст за една година – плус 27,3%.
Французите преферираат компактен „Renault Clio“ – 28.238 примероци (-1,1%), а во Шпанија се насочуваат кон „Seat Leon“ – 9.748 единици (+ 2,8%). Во Русија најмногу баран е „Hyundai Solaris“ 21.434 единици (-13,6%), а во Полска води „Skoda Octavia“ со 4.245 реализирани продажби (+ 4,6%).
Во Шведска најпосакувани се моделите на „Volvo“, па неговиот резултат е 6.803 примероци (раст од 4,6%).
