Јапонскиот производител „Sony“ официјално го претстави моделот „Xperia XA Ultra“. Смартфонот се одликува со 6-инчен дисплеј со резолуција од 1.080 пиксели и заситеноста од 367 точки на инч.
Смартфонот е во метална рамка и речиси без граници. Уредот има чип „Mediatek Helio P10“ и 3 GB RAM меморија. Оперативниот систем е „Android 6.0.1“, а внатрешната меморија е во износ од 16 GB, но може да се прошири со мемориска картичка.
Најсуштествена карактеристика на уредот од просечната ценовна класа, сепак е неговата предна камера. Таа е 16-мегапикселна, а има оптички стабилизатор, или можеби една од најдобрите камери за „селфи“ фотографии на пазарот. Има можност за фотографирање со гестови, што е прилично удобно. Во прилог доаѓа и задната камера од 21,5 мегапиксели со хибриден автофокус.
Иако батеријата на смартфонот е со капацитет од 2.700 mAh, а екранот е шест инчен, од „Sony“ тврдат дека таа може да издржи до два дена со едно полнење. Благодарение на опцијата за брзо полнење пак можете да го добиете уредот повторно на користењето за до пет и пол часа со полнење во рамките на само 10 минути. Уредот за брзо полнење, сепак треба да се купи дополнително.
Смартфонот се очекува да се појави на пазарите во јули во црна, бела и златна боја.
