„Asus“ претстави нов смартфон кој пристигнува со интересни функции. „Asus Zenfone Go TV“ e 5.5-инчен телефон со скромни спецификации, но и специјална функција – дигитален ТВ тјунер кој овозможува гледање ТВ содржини во движење (во одредени земји).
„Asus“ моментално го продава „Zenfone Go TV“ во Тајван по цена од околу 170 долари.
Телефонот има „IPS“ дисплеј со 1280 x 720p резолуција, процесор „Qualcomm Snapdragon 400“, 2GB RAM, 16GB простор за складирање податоци и „microSD“ картичка за дополнителен просотор.
Смартфонот пристигнува со оперативниот систем „Android 5.1“. На задната страна на телефонот се наоѓа 13MP камера, додека на предната се наоѓа камера од 5MР. Tука се и 802.11n „WiFi“, „Bluetooth 4.0“, 4G LTE и батерија од 3010mAh.
Кога станува збор за ТВ тјунерот, тоа е „Sony SMT-EW100“, кој е овозможува примање „DB-T“, „DB-T2“, „ISDB-T“ и „ISDB-tmm“ сигнали. Ова значи дека ТВ тјунерот ќе работи во некои делови од Европа, Азија, Средниот исток и Јужна Америка.
