Италијанскиот производител на автомобили, „Alfa Romeo“ објави нови фотографии од моделот „Gilulia Quadrifoglio“ (QV) непосредно пред стартот на продажбата во Европа.
Неодамна имавме можност да ја видиме полициската верзија на „Giulia QV“, а сега италијанската компанија ја претстави цивилната верзија на најбрзиот модел.
Автомобилот располага со 2,9 литарски V6 твин-турбо бензински мотор развиен во „Ferrari“. Моторот испорачува 510 Ks и има 600 Nm максимален вртежен момент, што е доволно да го забрза возилото тешко 1,5 тони, од 0 до 100 километри на час за само 3,9 секунди.
Максималната брзина е 305 километри на час.
Продажбата на Стариот континент треба да стартува наскоро, а почетната цена на овој модел во Италија ќе изнесува 79.000 евра.