„Motorola“ подготвува два нови смартфони од висока класа, соопштува интернет изданието „VentureBeat“. Уредите ќе имаат целосно метално куќиште и ќе може да користат различни модули, кои ќе се приложат кон нив и да им даваат дополнителни функции.
Во моментов моделите ги носат тарифните имиња „Vertex“ и „Vector Thin“. На грбот на куќиштето ќе имаат 16 мали дупки. Тие не се за звучник, туку се за поврзување на дополнителните модули, тврди весникот. Веќе има и шест готови модули кои компанијата ги нарекува „Amps“. „Motorola“ ќе овозможи и на надворешни компании исто така да развиваат и продаваат дополнителни модули.
Меѓу готовите се стерео звучници, дополнителна батерија, поудобна рачка за снимање со телефон со вграден помоќен блиц и објектив за оптички зум. Ќе има уште модул со мини проектор и засилен модул, отпорен на потешки услови и друго. Модулите ќе имаат корист од металното куќиште на телефоните и ќе се закачи за нив преку магнети.
Телефоните ќе располагаат со 5.5-инчни „AMOLED“ екрани, но со тоа завршуваат нивните заеднички карактеристки. „Vector Thin“ ќе биде топ модел со 4K дисплеј, процесор „Snapdragon 820“ на „Qualcomm“ и до 4GB RAM меморија. „Vertex“ ќе се потпира на „Full HD“ дисплеј, процесор „Snapdragon 625“ и до 3GB RAM. Вградената меморија и на двата телефони ќе е до 32GB.
„Vertex“ ќе има 16 MP камера, додека „Vector Thin“ ќе се потпира на 13 МР сензор со оптичка стабилизација. Дебелината на куќиштето на „Vertex“ ќе е околу 7мм, додека онаа на „Vector Thin“ – 5.2 мм. Телефоните ќе имаат соодветно батерии со капацитет од 2600mAh за „Vector“ и 3500mAh за „Vertex“. Се очекува моделите да бидат официјално претставени во почетокот на јуни годинава.