„HTC“ продолжува да чувствува се посериозни проблеми со своите финансиски резултати. Компанијата објави дека нејзините приходи за првиот квартал од оваа година се цели 64% помалку во однос на една година порано.
HTC запиша нов пад на приходите од 64%
„HTC“ оствари приходи во износ од 460 милиони долари, а профитот е едвај 60 милиони долари. Тоа е за 78% помалку. Сепак, добрата вест е дека компанијата се уште воа профит, иако и тој брзо се топи.
И покрај лошите резултати, „HTC“ смета дека се уште има добри изгледи пред себе. Компанијата објави дека првичната продажба на новиот смартфон „HTC 10“ е многу добра. „HTC“ дури очекува дека инерцијата на моделот ќе се задржи и тој ќе оствари добра продажба, но не дава приближна бројка што би значела позитивен резултат.
Компанијата додава дека е задоволна и од првичната презентација на системот за виртуелната реалност „HTC Vive“. За него „HTC“ ги има истите очекувања за зачувување и дури подобрување на инерцијата во текот на годината. И двата производа почнаа да се продаваат во вториот квартал од оваа година.
Од „HTC“ додаваат дека ќе продолжи реструктуирањето и отстранување на непотребните оддели и проекти. Покрај тоа, компанијата одвои 100 милиони долари за развој на уште содржини за „Vive“. Извршниот директор на компанијата Шер Ванг смета дека интересот за брендот продолжува да е голем и „HTC“ може да се надева на подобра иднина.